Veiðihúsið

Veiðihúsið við Brunná heitir Hvirfilvellir og ber nafn forns bæjarstæðis sem er ekki langt frá veiðihúsinu. Með góðu móti geta 6 til 8 manns gist í húsinu. Í húsinu eru 2 svefnherbergi. Í hverju herbergi fyrir sig er stórt (tvöfalt) rúm, rúmgott svefnloft, salerni með sturtu og vaski, nútímalegt eldhús, borðstofa og stofa. Í eldhúsinu er að finna öll nútíma tæki til eldamennsku s.s. stóran ísskáp, frysti, örbylgjuofn, eldavél, bökunaröfn, ristavél, kaffivél og hraðsuðuketil. Matardiskar, glös, bollar, hnífapör og eggjárn af ýmsum gerðum eru einnig til staðar.

Í húsinu er notarlegur sófi, sófaborð, sjónvarp og geisladiskaspilari ásamt útvarpi. Á svefnloftinu eru tvö rúm. Sitt hvoru megin við rúmin eru 4 svefndýnur. Rúmgóður 120 fm. sólpallur er við húsið og er kjörið að nota hann til útiveru þegar vel viðrar. Jafnframt er stórt og öflugt gasgrill að finna á sólpallinum sem og sólhúsgögn.

Umgengisreglur og almennar upplýsingar má sjá neðar á þessari síðu.

husnaedi_6

husnaedi_4

husnaedi_1

husnaedi_8

husnaedi_3

husnaedi_II

husnaedi_7

husnaedi_5

Umgengnisreglur og almennar upplýsingar

Umgengisreglur um húsið:

Veiðimenn mega koma í hús 1 klst. fyrir veiðitíma en brottfarardag skulu þeir rýma húsið kl. 13.00.

Ávallt skal fara úr vöðlum og vöðluskóm áður en farið er inn í húsið. Veiðifatnað skal hengja upp í anddyri hússins. Stranglega bannað er að fara inn í veiðihúsið á veiðiskóm / vöðluskóm.

Húsið skal ávallt vera læst á meðan veiðimenn eru við veiðar til að tryggja að enginn óviðkomandi gangi um í fjarveru veiðimanna.

Veiðibók liggur frammi í húsinu. Skylt er að skrá allan afla daglega og tilkynna merkta fiska til umsjónarmanns.

Gasgrill er til afnota fyrir veiðimenn og ber að þrífa grillið vel að lokinni notkun.

Veiðimenn skulu ávallt ganga vel um húsið og henda rusli í þar til gerðan ruslagám sem staðsettur er við þjóðveginn rétt norðan við ferðaþjónustuna í Lundi.

Veiðimönnum ber að ganga vel um og sýna öðrum fyllstu tillitssemi.

Húsdýr eru velkomin, en mega þó ekki dvelja í aðalrými veiðihús eða svefnherbergjum. Þau mega vera í forstofunni. Lausaganga hunda er bönnuð meðfram bökkum Brunnár.

Veiðimenn skulu að veiðitíma loknum:

Þrífa eldhús, eldhústæki og eldhúsáhöld.
Þrífa salerni, sturtuklefa og handlaug á baði.
Ryksuga, sópa og moppa yfir öll gólf þ.m.t. gólf á svefnlofti.
Hægt er að fá uppábúin rúm, þrif á húsinu og aðra þjónustu sé þess óskað. Fyrir slíka þjónustu er greitt sérstaklega.

Gjaldskrá fyrir viðbótarþjónustu:

Þrif á húsnæði: 8.000 krónur (æskilegt)
Uppábúið rúm: 1.500 krónur
Leiga á sængurverum: 1.000 krónur
Klukkutíma leiðsögn um veiðisvæðið: 5.000 krónur

Veiðivörður og almennar upplýsingar:

Veiðivörður og aðal leiðsögumaður Brunnár er Stefán Rögnvaldsson. Hægt er að ná í hann í farsíma 659-1433 eða heimasíma 465-2230 og veitir hann allar almennar upplýsingar um Brunná og veiðihúsið. Veiðifélagið Hugdjarfir ehf. áskilur sér rétt til að krefja veiðimenn um greiðslu vegna kostnaðar sé þessum reglum ekki fylgt eftir s.s. vegna þrifa eða skemmda.